Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 3.120.4 | Hdt. 3.122.3 (English) | >>Hdt. 3.124.2 |
3.122.1
αἰτίαι μὲν δὴ αὗται διφάσιαι λέγονται τοῦ θανάτου τοῦ Πολυκράτεος γενέσθαι , πάρεστι δὲ πείθεσθαι ὁκοτέρῃ τις βούλεται αὐτέων . ὁ δὲ ὦν Ὀροίτης ἱζόμενος ἐν Μαγνησίῃ τῇ ὑπὲρ Μαιάνδρου ποταμοῦ οἰκημένῃ ἔπεμπε Μύρσον τὸν Γύγεω ἄνδρα Λυδὸν ἐς Σάμον ἀγγελίην φέροντα , μαθὼν τοῦ Πολυκράτεος τὸν νόον .
3.122.2 Πολυκράτης γὰρ ἐστὶ πρῶτος τῶν ἡμεῖς ἴδμεν Ἑλλήνων ὃς θαλασσοκρατέειν ἐπενοήθη , πάρεξ Μίνωός τε τοῦ Κνωσσίου καὶ εἰ δή τις ἄλλος πρότερος τούτου ἦρξε τῆς θαλάσσης · τῆς δὲ ἀνθρωπηίης λεγομένης γενεῆς Πολυκράτης πρῶτος , ἐλπίδας πολλὰς ἔχων Ἰωνίης τε καὶ νήσων ἄρξειν .
3.122.3 μαθὼν ὦν ταῦτά μιν διανοεύμενον ὁ Ὀροίτης πέμψας ἀγγελίην ἔλεγε τάδε · “Ὀροίτης Πολυκράτεϊ ὧδε λέγει . πυνθάνομαι ἐπιβουλεύειν σε πρήγμασι μεγάλοισι , καὶ χρήματά τοι οὐκ εἶναι κατὰ τὰ φρονήματα . σύ νυν ὧδε ποιήσας ὀρθώσεις μὲν σεωυτόν , σώσεις δὲ καὶ ἐμέ · ἐμοὶ γὰρ βασιλεὺς Καμβύσης ἐπιβουλεύει θάνατον , καί μοι τοῦτο ἐξαγγέλλεται σαφηνέως .
3.122.4 σύ νυν ἐμὲ ἐκκομίσας αὐτὸν καὶ χρήματα , τὰ μὲν αὐτῶν αὐτὸς ἔχε , τὰ δὲ ἐμὲ ἔα ἔχειν · εἵνεκέν τε χρημάτων ἄρξεις ἁπάσης τῆς Ἑλλάδος . εἰ δέ μοι ἀπιστέεις τὰ περὶ τῶν χρημάτων , πέμψον ὅστις τοι πιστότατος τυγχάνει ἐών , τῷ ἐγὼ ἀποδέξω .”
ch. 123
3.123.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 3.120.4 | Hdt. 3.122.3 (English) | >>Hdt. 3.124.2 |